Möndlu eplakaka

12 sneiðar

Deig:

200 g möndlumjöl eða afhýddar möndlur, malaðar í matvinnsluvél 140 g smjör, mjúkt

200 g sykur

1 stórt egg

1 eggjahvíta

50 g hveiti

Byrjið á því að laga eplamaukið og gerið deigið á meðan það mallar. Hitið ofninn í 175°C (170°C á blástur). Hrærið möndlumjöl, smjör og sykur mjög vel saman eða þar til það er mjög vel samlagað. Bætið eggi og eggjahvítu út í og látið vélina ganga á meðalhraða í u.þ.bl. 5 mín. Bætið þá hveiti í og blandið saman með sleikju. Setjið bökunarpappír í botninn á smelluformi 22 cm í þvermál. Setjið rúman helminginn af deiginu  í formið og jafnið því með blautum fingrum, látið svolítið af deiginu upp með hliðunum svo það myndi skál. Hellið eplamaukinu í formið og lokið síðan með því sem eftir er að deiginu ofan á. Bakið í 45 mínútur. Berið fram volga með þeyttum rjóma.

Eplamauk:

800 g epli, það eru 3 stór eða 4 minni

2 msk. epladjús

3 msk. sykur, eða eftir smekk, ef eplin eru súr þá þarf örlítið meira

salt á hnífsoddi

1 tsk. vanilludropar sett í síðast

Skrælið og kjarnhreinsið eplin og skerið í  litla bita. Setjið allt nema vanilludropa í pott og látið sjóða við meðalhita þar til eplin eru mjúk, stappið þau í mauk. Bætið vanilludropum saman við.