Sítrónukaka með birkifræjum

Sítrónukökur eru mitt uppáhald og nokkrar mjög góðar slíkar eru hér á blogginu. Þessa formköku geri ég þegar ég vil gleðja tengdadóttir mína, við deilum ást á sítrónum. Birkifræin fást í heilsubúðinni í Fjarðarkaupum. Þau eru ómissandi í kökuna og gera hana líka fallega. 

180 g smjör, mjúkt

170 g sykur

220 g hveiti

1 tsk. lyftiduft

¼ tsk. salt

3 egg, stór

2 msk. sítrónusafi

börkur af 2 sítrónum

2 msk. birkifræ

1 ¾ dl mjólk

Hitið ofninn í 180°C (170°C á blástur). Setjið bökunarpappír í jólakökuform sem er 25 cm langt.

Hrærið smjör og sykur þar til það er ljóst og kremkennt. Setjið öll þurrefnin í skál  og setjið til hliðar. Bætið eggjum í smjörhræruna, einu í einu og hrærið vel saman. Bætið sítrónusafa, sítrónuberki, birkifræjum og mjólk út í og hrærið allt saman í samellt deig.

Jafnið deiginu í formið og bakið þetta í 50-55 mín. Látið kólna í 5-10 mín í forminu, losið kökuna úr því og setjið á tertudisk. Smyrjið glassúr ofan á í lokin. Kakan gefur 10 sneiðar

Glassúr:

120 g flórsykur, sigtaður

1 msk. sítrónusafi

1-2 msk. mjólk

Setjið flórsykur og sítrónusafa í skál. Bætið mjólk út í þar til þið fáið þykkan glassúr. Passið að setja mjólkina í smám saman svo þið fáið glassúrinn ekki of þunnann, ef það gerist er ráð að bæta meiri flórsykri út í.