Súkkulaðikókoskökur

Súkkulaðikókoskökur eru uppskrift að jólasmákökum sem margir af eldri kynslóðinni muna eftir. Þær henta vel að gera með börnum því auðvelt er að móta kúlur úr deiginu og dýfa í möndlusykurinn. Uppskriftin er stór eða um 80 kökur. 

80 stk.

400 g hveiti

200 g kókosmjöl

400 g smjör

250 g sykur

1/2 tsk. hjartarsalt

2 msk. kakó

2 egg

Ofan á:

100 g möndlur eða hnetur

100 g sykurmolar

Hitið ofninn í 180°C. Setjið allt hráefni saman í skál og hrærið saman í jafnt deig. Setjið möndlur og molasykur í plastpoka og myljið með kökukefli. Hnoðið litlar kúlur úr deiginu, þrýstið á þær og dýfið þeim í möndlu- og sykurblönduna. Raðið á bökunarplötu og bakið í 12-14 mín. Kökurnar mega vera nokkuð þétt á plötunni en þær stækka þó aðeins.