Jarðaberja heslihnetumarensterta

Hér er uppskrift að fallegri tertu með heslihnetum og jarðaberjum. Talsverð fyrirhöfn er að rista heslihneturner og afhýða en trúið mér, það er fyllilega þess virði. Heslihnetur verða mun bragðmeiri og betri ef þær eru ristaðar. 

Botnar:

125 g heslihnetur

4  eggjahvítur

250 g sykur

½ tsk. edik

1 tsk. vanilludropar

Fylling: 4-5 dl rjómi

300 g jarðaber

2 msk. flórsykur

Hitið ofninn í 190°C. Saxið heslihneturnar frekar gróft, best er að saxa þær á bretti svo þær verði jafnari en matvinnsluvél er líka í góðu lagi. Ristið hneturnar á pönnu og kælið þær aðeins. Þeytið eggjahvítur þar til þær fara að stífna. Setjið sykur út í eina skeið í einu og hrærið í á meðan. Hrærið í 2-3 mín í viðbót eftir að sykurinn hefur samlagast. Bætið þá ediki og vanillu saman við. Smyrjið 2 x 22 cm lausbotna með olíu of skiptið deiginu á milli þeirra. Bakið botnana í 35-40 mín.

Þeytið rjómann og skiptið í tvo hluta. Maukið helminginn af jarðaberjunum og blandið saman við annan helminginn af rjómanum ásamt flórsykri. Leggið botnana saman jarðaberjarjómanum og jafnið síðan hinum helmingnum af rjómanum ofan á. Skreytið með jarðaberjum