Húsfreyjuterta

Húsfreyja er fallegt orð og þessi terta tileinkuð henni er látlaus, falleg og undurgóð. Þetta er gömul uppskrift sem er væntanlega til hjá mörgum fjölskyldum og til í mörgum útgáfum. Karmellukremið er þó alltaf ofan á enda ómótstæðilegt. 

Botnar:

4 egg

160 gr sykur

60 gr hveiti

60 gr kartöflumjöl

1 tsk lyftiduft

100 gr rifið súkkulaði

Byrja á að stilla ofninn á 170 °C. Setjið egg og sykur í hrærivél og þeytið vel saman, eða þar til ljóst og létt, þetta getur tekið allt að 10 mín. Sigtið hveiti, kartöflumjöl og lyftiduft saman í skál og blandið rifnu súkkulaði saman við.  Blanda hveitiblöndunni varlega saman við eggjahræruna. Setjið bökunarpappír í botninn á 2 formum 22cm – 24cm breið og berið olíu eða smjör inn á hliðarnar. Bakið í svona 15 -20 mínútur eftir stærð formanna. Kælið kökurnar í nokkrar mínútur í formunum en hvolfið svo á bökunarpappír, flettið pappírnum á kökunni varlega af og kælið alveg. Leggið kökuna saman með rjóma. Hellið karamellubráðinni yfir. Fallegt er að lofa því að dropa aðeins niður hliðarnar.

Á milli:

3 dl rjómi, þeyttur

Karamella:

3 dl rjómi

3 msk sýróp

1 tsk smjör

½  tsk vanilludropar

Setjið rjóma, sýróp, sykur og smjör og í pott og hitið saman við meðalhita (eða rúmlega það) þar til hæfilega þykkt. Þetta tekur um.þ.bl. 18-20 mín. Karamellan er tilbúin þegar hægt að setja dropa á kaldan flöt, gera far í gegnum með fingrinum og það heldur lagi. Takið af hitanum og bætið vanilludropum út í. Kælið c. 10 mínútur.