Heilsubitakökur

Heilsubitaköku uppskriftina gerði ég þegar ég vann á kaffihúsi Te og Kaffi um árið. Þær þóttu nýstálegar á þeim tíma, þá var ekki enn farið að selja svokallaða kladda í bakaríum. Þær runnu út og uppskriftin var leyndarmál árum saman. Ég tek uppskriftina ekki mjög hátíðlega utan fyrstu fimm atriðin. Það er sniðugt að kíkja á hvað er til í skápunum, trönuber, aðrar hnetutegundir eða möndlur. Aðalmálið er að hveititegundir, fræ og annað á að vigta u.þ.bl. 750-770 gr og síðan má líka skipta tegundum út með því sem er til eða ykkur líkar.

24 stórar kökur eða allt að 34-36 stk.

240 g smjör mjúkt

200 g púðursykur eða hrásykur

2 stór egg

140 g hnetusmjör, gjarnan ósætt          

¾ dl mjólk

150 g heilhveiti, gróft spelti eða annað meðalfgóft mjöl

100 g haframjöl

50 g hveitiklíð

60 g sesamfræ

60 g sólblómafræ

100 g salthnetur

100 g val- eða pekanhnetur

160 g rúsínur

¼ tsk. engifer

1 ½ tsk. kanell

¾ tsk. salt

1 tsk. lyftiduft

Hitið ofninn í 180°C. Hrærið saman smjör og sykur þar til ljóst og kremkennt (gott að nota hrærivélaskál með hræraranum). Bætið eggjum úr í einu í einu og hrærið all vel saman. Bætið síðan hnetusmjöri og mjólk út í. Blandið mjöli, fræjum, rúsínum og öllu kryddi ásamt lyftidufti saman í skál og bætið út í deigið. Blandið vel saman. Klæðið ofnplötur með smjörpappír og mótið stórar kökur með tveim matskeiðum á plöturnar. Ein plata rúmar uþbl. 9 kökur en ef þið hafið þær minni þá rúmast 12 á hverja plötu því gott er að hafa aðeins bil á milli þeirra.  Bakið 15 – 18 mín. Það er mjög gott að frysta þessar kökur. Ég frysti þær í litlum pokum og gríp eina og eina þegar mig vantar sætan og hollan aukabita með í nestið.