Súkkulaðiformkaka jólanna

Franski bakarinn Pierre Hermé er einn af þekktustu bökurum Frakklands. Hann starfrækir mörg bakarí í París sem eru þekkt fyrir unaðslegar makrónur. Hann hefur gefið út margar kökubækur og þessi dásamlega súkkulaðiformkaka er í einni af þeim. Marsípan, möndlur, súkkulaði og ávextir, allt í einni köku.

240 g smjör mjúkt

170 g sykur

3 egg

240 g hveiti

4 msk. kakó

1 tsk matarsódi

1 dl mjólk eða matreiðslurjómi

80 g döðlur saxaðar

80 g rúsínur eða þurrkuð trönuber eða blanda af báðu

80 g valhnetur saxaðar gróft

80 g súkkulaði saxað gróft

100 g marsípan saxað gróft

Hitið ofninn í 175°C. Hrærið saman smjör og sykur þar til létt og ljóst. Bætið eggjum út í einu í einu, hrærið vel saman. Sigtið saman hveiti, kakó og matarsóda. Hrærið hveitiblöndunni, mjólkinni og  ávöxtunum saman með sleikju. Setjið í pappírsklætt 30 cm jólakökuform og bakið í klukkustund. Kakan er stór og er hæglega hægt að fá 12-14 sneiðar úr henni. Mjög gott að frysta.